KAPILING NA LAPTOP PART 2

• Mas Malapit ang Iniwang Bayan

Parang kailan lang sabi nga sa atin...matagal ang magpadala ng airmail sa atin kaya maswerte ka pag may uuwing kaibigan na mabait (at hindi marunong magsalita ng HINDI!) na magdadala ng iyong mga sulat at mga pakiusap na tsokolates. At mas maswerte ka pag ang kaibigan na ito ay maydala pang sagot na sulat ng nanay mo na binalot sa dalawa o tatlong kilong pulboron, pili at dried mangoes.

Parang kailan lang...kung tatawag ka sa Piipinas ay parang kang sport newscaster sa bilis, walang comma, walang period, mas maraming BAKIT?

Parang kailan lang...ang balitang nakukuha mo ay galing sa mga courtesy copies o pinabileng babasahin at peryodikong dala ng mga galing Pinas. Kung minsa pa nga, pati yun pinambalot sa pasalubong ay pagtitripan pa rin, uunatin, babasahin.

Pero sabi nga ngayon, walang nang impossible sa panahon ng Globalization. Hindi kinakainlangan na mayroon kang sarileng laptop kung interesado ka talagang makaalam tungkol sa mga nangyayari sa Pilipinas. Nandiyang pumunta ka sa mga tindahang Pinoy at Pinay at siguradong may mabibile kang babasahin. Kaya nga lang, halos puro buhay ng mga artista ang tindang magazines nila. Nandiyang kumuha ka ng subscription para sa Pinoy/Pinay television. Kaniya-kaniya naman ng hilig ang mga tao; maaliw o maalibadbaran sa mga klase ng programang galing sa atin.

Hindi naman ibig sabihin na kung may sarile kang laptop eh mas marami kang alam sa mundo o mas marami ang mabibile mo sa Ebay. Mas komportable nga lang kasi nga kapiling mo mula sa yong paggising, sa 'yong trabaho, habang nagluluto gawang may mga recipes kang idinadawload, hanggang sa kama at kasi si Irog ay nakatitig pa rin sa monitor niya.

Gusto mo ng balita kay GMA? Ano ba ang Chacha? Sino ba talaga ang mga terrorista?
Igoogle mo.
Gusto mong palitan si Gloria? Naghahanap ka ng asawa? Anong gagawin sa toxic na ba